ملاقات محترم نورالدین عزیزی با سرمایه‌گذاران خارجی و تاجران ولایت پروان
یک‌شنبه 2عقرب 1400 مطابق 17ربیع‌الاول 1443
محترم نورالدین عزیزی سرپرست وزارت صنعت و تجارت با دوتن از سرمایه‌گذاران خارجی و تاجران ولایت پروان در تالار کنفرانس‌های مقام این وزارت دیدار و روی موضوعات متعدد گفت‌وگو کرد.
در این دیدار سرپرست این وزارت به سرمایه‌گذاران و تاجران اشتراک‌کننده خوش‌آمدید گفته و از فعالیت سرمایه‌گذاری و تاجران کشور در این شرایط حساس استقبال کردند.
سرمایه‌گذاران خارجی در مورد ایجاد فابریکه‌ی پروسس سنگ‌‌ی قیمتی معلومات ارایه کرده و خواستار همکاری رهبری این وزارت در ایجاد این فابریکه در داخل افغانستان شدند.
تاجران اشتراک‌کننده به نوبه‌ی شان از مشکلات‌شان صحبت نموده و پیشنهاد نمودند تا در مورد اتشه‌های تجاری این وزارت تجدیدنظر صورت گیرد.
محترم نورالدین عزیزی سرپرست این وزارت از ایجاد فابریکه‌ی پروسس سنگ‌های قیمتی استقبال کرده و در مورد پروسس سنگ تالک در افغانستان صحبت کرده و بیان داشتند که رهبری دولت افغانستان آماده‌ی همکاری همه‌جانبه با سرمایه‌گذار می‌باشد.
آقای عزیزی در ادامه صحبت‌های شان اظهار داشتند که ما جداً روی مشکلات تجاران کار می‌کنیم و تمام پیشنهادات‌شان بررسی خواهیم کرد.
