د افغانستان او پاکستان ترمنځ د سوداګریزواو ترانزیټي اړیکو وده
چهارشنبه دکب 27مه 1399
د افغانستان او پاکستان ترمنځ دسيمه ايزې خبرې اترې دصنعت او سوداګرۍ وزیر نثار احمد غوریاني ، د پاکستان لپاره د ولسمشر ځانګړي استازي محمد عمر داودزي، خصوصي سکتور استازو او د افغانستان داسلامي جمهوري دولت دخصوصي سکتور داستازو په حضور کې په کابل کې ترسره شوې.
ښاغلي غورياني کابل ته د پاکستان د اسلامي جمهوریت د خصوصي سکتور پلاوي ته دښه راغلاست ترڅنګ وويل چې ، د افغانستان او پاکستان تر منځ د سوداګرۍ ترانزیتي اړیکې په دې وروستیو کې پراختیا موندلې او زموږ ټینګار د دې پر پیاوړتیا دی.
ښاغلي غوریاني زیاته کړه چې موږ باید د اقتصادي انسجام رامینځته کولو او د سوداګريزو او ترانزیتي اړیکو پراختیا لپاره لا ډيره همکارۍ ولرو ، او د هغه شیانو پلي کولو لپاره چې اړتیا ده د دواړو هیوادونو خلکو ته د سوداګرۍ او ترانزیت فرصت رامنځته کړو.
د افغانستان او پاکستان د سوداګرۍ او ترانزیت د تړون د غځونې په اړه ښاغلي غورياني وويل چې د پاکستان د اسلامي جمهوریت لوړپوړو چارواکو د اپټا تړون د نوي متن په جوړولو کې چمتووالی ښودلی دی.
ښاغلي غوریاني همدارنګه زیاته کړه چې د ازبکستان په پلازمینه تاشکند کې د افغانستان اسلامي جمهوریت ، د ازبکستان او پاکستان د اسلامي جمهوریت تر منځ د تاشکند درې اړخیزه ناسته کې؛ پاکستاني پلاوي موافقه وکړه چې یوه نوې اپټا به د نړیوال سازمان د اصولو سره سم جوړه شي ، چې د دواړو هیوادونو تر منځ د سوداګريزې ترانزیتي اړیکې پراخې کړي.
په دې خبرو کې ، د پاکستان دولتي خصوصي سکتور ، مزارشریف ته د دوی د سفر پایلو په بیانولو سره ، د دواړو هیوادونو تر منځ د سوداګرۍ ترانزیتي اړیکو پراختیا وستايله او په بیلابیلو برخو کې یې له افغان پانګوالو سره په ګډ ه کارکولو کې خپله ليوالتيا څرګنده کړه.
