د وروستۍ زلزلې زیانمونو کورنیو ته د صنعت او سوداګرۍ وزارت په همغږۍ د خصوصي سکتور مرستې وویشل شوې
29/4/1401
د صنعت او سوداګرۍ وزارت په همغږۍ سره د خصوصي سکتور له لوري 3055 کورنیو لپاره د پکتیکا ولایت په زیړوک او برمل ولسوالیو کې مرستې وویشل شوې. یادې مرستې د صنعت او سوداګرۍ وزارت معین محترم مولوی قدرت الله جمال په حضور داشت چې د پکتیکا ولایت والي محترم الحاج مولوی عبدالله مختار ورسره ملتیا کوله د ورستۍ زلزله ځپلو اړمنو کورنیو لپاره وویشل شوې.
دسفر په دې لړ کې محترم مولوی قدرت الله جمال، محترم الحاج مولوی عبدالله مختار او ورسره پلاوي د پکتیکا ولایت د ګیان له ولسوالۍ څخه هم لیدنه وکړه د ورستۍ زلزلې د شهیدانو روح ته یې د عا وکړه او کورنیوته یې د تسلیت ویلو تر څنګ د سیمې د خلکو ستونزې هم واوریدلې او د ا.ا.ا له لوري د دوي د مشکلاتو د حل لپاره یې د همکارۍ ژمنه وکړه او څرګنده یې کړه چې ستاسو ستونزې به د افغانستان اسلامي امارت له رهبرۍ سره شریکې کړو.
دسیمو خلکو هم د زلزله ځپلو سیمو سره د افغانستان اسلامي امارت له مقاماتو او د خصوصي سکتور له مرستو او غمشریکۍ څخه مننه او ستاینه وکړه او وویل وروسته له څو لسیزو د دولت لوړ پوړي چارواکي ولسوالۍ ته رازي او د خلکو دردونه له نژدې څخه پوښتي.
د یادونې وړده چې 3055 د مرستو کڅوړوکې (وړه، غوړي، وریځې، کمپلې او درمل ) شامل دي چې د خصوصي سکټور یادې مرستې د صنعت او سوداګرۍ وزارت په همغږۍ 1527 زیانمنۍ کورنۍ زیړوک ولسوالۍ کې او 1528 زیانمنۍ کورنۍ د برمل ولسوالۍ کې د مرستو له دې کڅوړو څخه مستفید شوې.
