شنبه، 10 شوال المکرم 1447/ 8 حمل 1405

هیئت عالی‌رتبه دولتی – سکتورخصوصی جمهوری اوزبیکستان، تحت ریاست آقای شوکت عبدالرزاقوف، والی ولایت نمنگان این کشور به هدف افزایش میزان دادوستد میان دوکشور و سرمایه‌گذاری در افغانستان، وارد کابل شد.

قرار است هیئت عالی‌رتبه جمهوری اوزبیکستان که شامل معاونان والی و بیشتر از ۳۰تن از بزرگترین تاجران و سرمایه‌گذاران آن ولایت می‌باشد، با مقامات امارت اسلامی افغانستان دیدار نموده و در کنفرانس تجارتی و نشست‌های تجاری اشتراک نمایند.

همچنین، هیئت متذکره به ولایت بلخ سفر نموده، با مقامات محلی آن ولایت دیدار کرده و با اعضای سکتورخصوصی نیز نشست‌های تجاری برگزار خواهند کرد. همچنان، نمایشگاه محصولات و تولیدات اوزبیکستان را در شهر مزارشریف افتتاح خواهند نمود.

این سفر در ادامه سفر آقای ارکینجون توردیموف، والی ولایت سیردریای جمهوری اوزبیکستان و هیئت همراه ایشان و براساس ملاقات‌های محترم الحاج نورالدین عزیزی، وزیر صنعت و تجارت امارت اسلامی افغانستان با مقامات عالی‌رتبه جمهوری اوزبیکستان، صورت گرفته است. همچنان، قرار است سایر والیان آن کشور نیز به هدف گسترش روابط تجاری و اقتصادی میان دوکشور به افغانستان سفر نمایند.