محترم الحاح مولوی احمدالله زاهد، معین وزارت صنعت و تجارت امارت اسلامی افغانستان عصر امروز شنبه مورخ 7سنبله 1405 هـ شمسی مطابق به 15ربیع‌الاول 1448 هـ قمری با آقای شهرت مرادوف، معاون والی ولایت قشقه‌دریای جمهوری اوزبیکستان در دفتر کار شان ملاقات نمود.

در این ملاقات محترم مولوی احمدالله زاهد، معین وزارت صنعت و تجارت امارت اسلامی افغانستان با تأکید به عملی‌سازی نقشه راه همکاری‌های دوجانبه میان دوکشور، در مورد سفرهای اخیر هیئت‌های افغانستان و اوزبیکستان به دوکشور صحبت نمودند.

در ادامه دوطرف در رابطه به ایجاد همکاری‌های مستقیم اقتصادی میان ولایت قشقه‌دریا و افغانستان و روابط میان فعالین اقتصادی دوطرف، سرمایه‌گذاری مشترک در سکتورپنبه، شریک‌سازی تجارب ولایت قشقه‌دریا با کارشناسان و دهاقین افغانستان در بخش زراعت و همکاری اوزبیکستان در سکتورهای پنبه و نساجی، زراعت و صنایع غذایی و ماشین‌آلات بحث و تبادل‌نظر کردند.

آقای شهرت مرادوف، معاون والی ولایت قشقه‌دریای جمهوری اوزبیکستان، روابط میان افغانستان و اوزبیکستان را به نفع مردمان دوکشور دانسته، اعلام آمادگی کردند که تجارب شان را با افغانستان در بخش متذکره شریک سازند و جوانان افغان را در این ولایت آموزش دهند.

همچنین آقای مرادوف از معین وزارت صنعت و تجارت امارت اسلامی افغانستان جهت اشتراک در نمایشگاه بین‌المللی و نشست‌های تجارتی آن کشور که قرار است در ماه اکتوبر سال‌روان برگزار گردد، دعوت نمود.