یکشنبه، 21 ذی‌الحجه 1447 / 17 جوزا 1405

محترم الحاج نورالدین عزیزی، وزیر صنعت و تجارت امارت اسلامی افغانستان، با محترم مراد قدرتوف، رئیس شرکت صنایع زراعتی پرایم جمهوری اوزبیکستان، در دفتر کارشان دیدار و ملاقات نمود.

در این دیدار، آقای قدرتوف ضمن ابراز خرسندی از روابط نیک و حسن نیت میان دو کشور، آمادگی شرکت شان را برای صادرات میوه‌های تازه افغانستان به جمهوری اوزبیکستان، فدراسیون روسیه و کشورهای اروپایی اعلام نمود.

در ادامه، محترم الحاج نورالدین عزیزی، وزیر صنعت و تجارت، از این ابتکار استقبال نموده و آمادگی وزارت صنعت و تجارت را برای همکاری و تسهیل روند صادرات محصولات زراعتی افغانستان ابراز داشت.

قابل ذکر است که شرکت صنایع زراعتی پرایم ظرفیت صادرات سالانه ۲۰۰۰تُن میوه تازه، از جمله گیلاس، زردآلو، آلو، سیب و انار را دارا بوده و این محصولات را ابتدا به جمهوری اوزبیکستان  و سپس به فدراسیون روسیه و اروپا صادر می‌نماید.