د خښتو د بټیو دتنظیم او دکړنلارې د نهایې کولو غونډه
دوشنبه مورخ 12ربیع الثانی 1444 / 16 لړم ۱۴۰۱
د صنعت او سوداګرۍ وزارت مرستیال ښاغلی مولوی قدرت الله جمال په مشري د خښتو د بټیو تنظیم او د کړنلاره نهایې کولو په هکله غونډه ترسره شوه.
په دی غونډه کي چې د کورنیو چارو وزارت، کابل ښاروالې، د چاپیریال ساتنې اداری او د افغانستان د صنایعو او معادنو خونې استازو شتون درلود، د خښتو د بټیو تنظیم او د کړنلاره په هکله خبری اتری وشوي
د صنعت او سوداګرۍ وزارت مرستیال د غونډي ګډونوالو د هڅو څخه په منني سره، وویل چي تاسي لوی مسوولیت پرغاړه لری او باید په ټول توان سره خپل نظریات په تخنیکي ډول غونډې ته وړاندی کړۍ
په پای کې د نظریاتو په وړاندی کولو، راټولولو او شاملولو سره د دغې کړنلار مسوده نهايې شوه.
د یادونې وړ ده چي د خښتو د بټیو تنظیم او د کړنلارمسوده په ۴ فصلونو او ۲۱ مادو کې د صنعت او سوداګرۍ وزارت لخوا، د یادو اداراتو په مرسته ترتیب شوې ده .
