په تخار ولایت کې د فرنیچرو په تولید کې د پانګونې زیاتوالی

سه‌شنبه:د وری ۳۱ مه ۱۴۰۰

په تخار ولایت کې د فرنیچرو یوې فابریکې په یاد سکتو رکې خپله پانګونه څلور ملیونه افغانیو ته لوړه کړه

په ۱۳۹۱ لمریز کال کې د درې سوه زره افغانیو په لومړنۍ پانګونې سر ه يې  خپل فعالیت د مختلفو فرنیچرونو په جوړولو کې پیل کړ.

د نعمت فیضي فرنیچرجوړولو او تولید فابریکه ، چې په پرمختللي او معیاري ماشینونو سمبال ده ، د نړیوال معیارونو سره سم هر ډول فرنیچر تولید او بازار ته وړاندې کوی.

دغې  فابریکې د تخار ولایت 20 څخه زیاتو اوسیدونکوته د کارزمینه برابره کړې ده  ، او اوس دوی کولی شي د دفترونو لپاره د نړۍ په کچه هر ډول، څوکۍ ، تختونه ،المارۍ او میزونه د دفترونو او کورنو لپاره  جوړ کړي .

. د دې فابریکې محصولات اوس مهال یوازې په تخار ولایت کې پلورل کیږي او په نږدې راتلونکي کې به د تخار ګاونډیو ولایتونو ته هم د پلور لپاره ولیږدول شي.

د صنعت او سوداګرۍ وزارت د پالیسي جوړونکې ادارې په توګه تل هڅه کوي، چې په هیواد کې اقتصادي پرمختګ لپاره د خصوصي سکتور او صنعتکارانو ملاتړ وکړي.