دصنعت او سوداګرۍ نوماند وزیرښاغلي نثاراحمد غوریانی دخپل کار په دفتر کې دترکمنستان له سفیر سره وکتل .
دوږي ۲۵مه ۱۳۹۹
دصنعت او سوداګرۍ نوماند وزیرښاغلي نثاراحمد غوریانی په دغه کتنه کې ددوست هېواد ترکمنستان له هغو مرستو مننه وکړه چې په تیروڅوکلونو کې دهېواد دصنعت او سوداګرۍ دلاپرمختګ لامل شوي دي.
په دغه لیدنه کې دترکمنستان هېواد سفیر ښاغلي اویزوف خواجه سفر گیدویچ ښاغلي غوریاني ته دصنعت او سوداګرۍ وزارت ته دنوماند سرپرست وزیرپه توګه دهغه دګومارنې د مبارکي ویلو ترڅنګ زیاته کړه چې دوی به دافغانستان دولت ته خپلې مرستې دوامداره وساتي ، ښاغلي سفیر په نږدې راتلونکي کې په هرات ولایت کې دټاپي پروژې دعملي کار دپیلېدو خبر هم ورکړ.
په دغه کتنه کې وپتییل شوه چې دصنعت او سوداګرۍ وزارت سرپرست وزیرښاغلي غوریاني به دترکمنستان هېواد دصنعت او سوداګرۍ وزارت له وزیر سره دویډیو کنفرانس له لارې خبرې وکړي.
همداراز دصنعت او سوداګرۍ وزارت سرپرست نوماند وزیر دترکمنستان هېواد له سفیر څخه وغوښتل چې یو شمېر ترکمنستاني سوداګر هغو نندارتونونو ته را وغواړي ، کوم چې په افغانستان کې جوړیږي.
