د(پستې او الو بخارا) میوو صادراتو ،پروسس او بازارموندنې غونډه ترسره شوه
پنجشنبه:د چنګاښ۱۷مه ۱۴۰۰
د میوو د صادراتو په ځانګړي ډول د پستې او الوبخارا د تولید، پروسس او بازار موندنې په اړه غونډه د وچې میوي د سوداګرو،صارونکو، د کرنې ، اوبو لګولو او مالدارۍ وزارت د استازو په ګډون دعبدالمجید زابلي د غونډو په تالار کې ترسره شوه.
دصنعت او سوداګرۍ وزارت د وچې میوو د صادراتو د زیاتوالي او د دې سکتور د سوداګرو او صادرونکو په وړاندې د شتوننګونو د معلومولو،د وچو میوو د تولید ، پروسس ، بازارموندنې او صادراتو په طرح کې د هغوی نظرونه او وړاندیزونه شاملولو په ځانګړي توګه د پستې او الو بخارا په اړه زیاتې غونډې ترسره کړي دی .
په دې ناسته کې د وچې میوو سوداګرو او صادروونکو،د کرنې ، اوبو لګونې او مالدارۍ وزارت استازی د صادراتو دپراختیا ریاست له مسولینو سره د خپل سکتور د تولید ، پروسس ، بازارموندنې او صادراتوستونزو او ننګونو په اړه خپل نظریات او وړاندیزونه شریک کړل .
د صنعت او سوداګرۍ وزارت یادو مسولینو د وچو میوو سوداګرو اوصادرونکو سره ژمنه کړې چې دوی به خپلې ستونزې له لوړپوړودولتي چارواکو او ادارو سره شریکې کړي او د حل لپاره به یې هر ډول هڅې وکړي.
