د افغانستان او ازبکستان ترمينځ د سوداګريز پيوستون غونډه
یکشنبه مورخ ۲۱ شعبان المعظم ۱۴۴۵/ ۱۳ کب ۱۴۰۲
دافغانستان او ازبکستان تر مينځ د سوداګريز پيوستون په موخه کنفرانس د صنعت او سوداګرۍ وزارت مرستيال مولوي قدرت الله جمال، د ازبکستان سفير او د دواړو هېوادونو سوداګرو او پانګوالو په ګډون ترسره شو.
په ياده غونډه کې د صنعت او سوداګرۍ وزارت مرستيال مولوي قدرت الله جمال وويل مونږ له ازبکستان سره ښې اقتصادي اړیکې غواړو، د ازبکستان سوداګر کولای شي زموږ سره په پنځو زونونو کې د موادو د پروسس په برخه کې پانګونه وکړي.
ښاغلي جمال زیاته کړه د ازبکستان سوداګر هر وخت کولای شي چې په افغانستان کې پانګونه وکړي، د افغانستان اسلامي امارت له ټولو ګاونډیو هېوادو سره د تجارتي اړيکو غوښتونکی دی.
ورپسی د ازبکستان سفير وويل، په افغانستان کې پانګونه د دواړو هېوادونو ترمېنځ سوداګريزې اړيکې نورې هم غښتلې کولای شي او په افغانستان کې یې پانګونه د واړو هيوادونو په ګټه وبلله، هغه زياته کړه موږ له افغانستان سره اقتصادي اړیکې پاللې دي، زموږ اقتصادي اړيکې د دواړو هېوادونو ترمېنځ باور زياتوالی شي او د دواړو هېوادونو د خلکو اقتصادي حالت ښه کولای شي.
په پای کې د سوداګرۍ او پانګونې اتاق مرستیال او سوداګر ښاغلي يونس مومند وويل، دواړو هيوادونو تر مېنځ اړيکې خورا ډیرې لرغونې دي او د دواړو اسلامي هېوادونه ګډ فرهنګ لري. نوموړي زياته کړه چې موږ باید خپلو منځونو کې ښې اړيکې وپالو، ده له دواړو هېوادونو څخه مننه وکړه، چې سوداګرو ته يې اسانتياوې برابرې کړې دي.
