د افغانستان د تولیدي صنایعو له نندارتون څخه د هیواد والو لیدنه او تود هرکلی

شنبه: دغبرګولي لومړۍ ۱۴۰۰

له پنځو زرو  څخه ډیرو کابل ښاریانو د دوو ورځو په موده کې د افغانستان د کورنیو تولیداتو نندارتون ، چې د صنعت او سوداګرۍ وزارت د دایمي نندارتون په سیمه کې دکابل ښار په کابل نندارې کې جوړ شوی وو، لیدنه وکړه، او ددې نندارتون له غرفو څخه یې توکي وپیرل.

د افغانستان د تولیدي صنایعو نندارتون د صنعت او سوداګرۍ وزارت لخوا د درېیو ورځو لپاره د صنعت اونۍ ، د پانګوونې او د کورنیو تولیداتو ملاتړ په موخه  په لاره اچول شوی و چې هدف یې د 60 ډوله توکود تولیداتو معرفي کول دي چې په یادو توکو کې یې ځینې پر ځان بسیا دي او یا هم پر ځان بسیا ینې ته نږدې شوي دي.

په دې  نندارتون کې ، صنعت کارانو او ښځینه متشبثینو خپل محصولات په 200 غرفو کې نندارې ته وړاندې کړل ، هغه چې د هیوادوالو لخوا له تاوده  هرکلی سره مخ شول او د دوه ورځو لپاره یې ښه پلور درلود.

دصنعت او سوداګرۍ  وزارت سږکال په  هیوادکې  دننه او بهر یو شمیر نندارتونونه لري چې هدف یې د کورنیو تولیداتو بازارموندنه او معرفي کول دي.