د بنائی د ځمکې اړوند غونډه
دوشنبه:د غويې۲۶مه ۱۴۰۱
د پلچرخي دصنعتي پارک د انکشافي پلان په برخه کې د شاوخوا ۳۶ جریبه ساختماني ځمکې د طرحې غونډه د صنعت او سوداګرۍ وزارت د صنعتي پارکونو عمومي رئیس ښاغلي عبدالعظیم قریشي، د ملي پراختیا د ادارې مرستیال او اړوندو رئیسانو په ګډون جوړه شوه.
په پیل کې د صنعتي پارکونو او صنایعوچارو عمومي رئیس د ۳۲۴ جریبه ځمکې چې د امیرالمومنین د(۱۲۷۴) ۱۴۲۱/۱۱/۲۶ ګڼه فرمان له مخې مسترد کیدلواو په هغه کې د بنايې د ساختمان ۳۶ جریبه ځمکې د شمولیت اړونده معلومات ورکړل.
نوموړي زیاته کړه،موږهوډ لرو، چې د پارکونو ټولې سیمې په ځانګړې توګه د پلچرخي صنعتي سیمې ته پراختیا ورکړو. دا سیمه د صنعت له پلوه یوه مهمه نقطه ده، موږ هڅه کوو چې د اوسنې وخت له غوښتنو سره سم د کورنیو تولیداتوپه پراختیا په برخه کې له صنعتي پارکونو څخه په عصري بڼه ګټه واخلو.
ورپسې د صنعتي پارکونو د ځمکو د وېش او مراقبت رئیس وویل چې د روژې له مبارکې میاشتې وړاندې یې د ۳۶ جریبه ځمکې د دعوا په اړه د ملي پراختیا ادارې له رئیس سره خبرې کړي او هغه ته یې معلومات ورکړې وه ،چې داحکامو او اسنادو پربنسټ دا ځمکه د صنعت او سوداګرۍ وزارت د صنعتي پارکونو ملکیت دی.
په پای کې د ۳۶ جریبه ځمکې اړوند له هراړخیز بحث وروسته پرېکړه وشوه، چې د محکمې تر وروستۍ پرېکړې پورې به یاده ځمکه د صنعت او سوداګرۍ وزارت په واک کې وی.
