د حکومت د اطلاعاتو او رسنیو په مرکز کې د صنعت اوسوداګرۍ وزارت مطبوعاتي کنفرانس

reza_admin
سه‌شنبه ۱۴۰۲/۱/۸ - ۱۵:۳۲
د حکومت د اطلاعاتو او رسنیو په مرکز کې د صنعت اوسوداګرۍ وزارت مطبوعاتي کنفرانس

سه شنبه مورخ 6 رمضان المبارک 1444 / 8 وری 1402

ښاغلي الحاج مولوی قدرت الله جمال، د صنعت او سوداګرۍ وزارت مرستیال،ښاغلي احسان الله فطرت د صادراتو د پراختیا رئیس، ښاغلي جواد دبیر د اطلاعاتو او عامه اړیکو رئیس، او ښاغلي آخندزاده عبدالسلام جواد د صنعت اوسوداګرۍ وزارت ویاند د حکومت اطلاعاتو او رسنیو په مرکز کې د ۱۴۰۱ ه ل مالي کال د فعالیتونو او لاسته راوړنې ګزارش د مطبوعاتي کنفرانس  له لیاری  رسنیو سره شریک کړل

د صنعت او سوداګرۍ وزارت مرستیال ښاغلي الحاج مولوی قدرت الله جمال وویل په تیر یو کال کی د افغانستان اسلامي امارت په دې وتوانیده چې د لومړی ځل لپاره د افغانستان صادرات د ۲ میلیارده ډالرو ارزښت ته ورسوی، دا یوه بی ساری او تاریخي لاسته راوړنه ده . که د سږ کال ارقام له ۱۴۰۰ کال په پرتله (۱۳۵ ٪ )ډیر شوی، او که له ۱۳۹۹ کال سره یی مقایسه کړو نو په (166٪)  ډیروالی ښیې.

 ښاغلي جمال وویل د افغانستان اسلامي امارت مثبت اقدامات او اجرات د تجارت په سکتور کې نور مثبت تاثیرات هم درلودلې، لکه په پولې ثبات باندې مثبتې اغیزې، د کاري فرصتونو رامنځته کول او د عوایدو په راټولو کی شفافیت او زیاتوالي.

ښاغلي جمال وویل په وروستي یو کال کې د ۹۲۵ میلیون، ۴۹۳ زرو، ۶۲۹ ډالرو په ارزښت د سکرو ډبری، مالوچ، ممیز، انجیر، انګور، رومي بانجان، تور زنغوزي، او پیاز پاکستان، هند، اوزبکستان، تاجکستان، عربی متحده امارات، چین، ایران، عراق، ترکیه او قزاقستان هیوادونو ته صادر شوی دی.

همداراز د دی وزارت چارواکي وویل د صنعت او سوداګری وزارت غواړی د صادراتو د معیاری کولو او لا زیاتوالې لپاره د کابل په شمول د هیواد په ۵ زونونو کې د صادراتو د پروسس مرکزونه رامنځته کړی، چې په لومړی پړاو کې د هیواد په مرکز کابل کې ددی زون د رامنځته کولو لپاره بودیجه هم ځانګړی شوی.

ښاغلي جمال وویل د تجارت په برخه کې یوه مهمه موضوع چې اسلامي امارت ورته پاملرنه کړی ده، هغه له ګاونډیو او د افغانستان له سوداګریز شریکانو سره همکاري او همغږي ده. د افغانستان د صنعت او سوداګرۍ وزارت مشرتابه له ټولو ګاونډیو هیوادونو سره خصوصا له ایران پاکستان روسیه چین ازبکستان ترکمنستان  هیوادونو سره سوداګریز مذاکرات او سفرونه کړی.

ښاغلي جمال وویل د صنعت په برخه کې د صنعت او سوداګری وزارت یو له مهمو موخو څخه د صنعتی پارکونو ایجاد، رغونه او د ځمکو توزیع ګڼل کیږی، د دی موخو د لاسته راوړلو لپاره یاد وزارت ډیر هاند او هڅه کړي.  اوس مهال په افغانستان کې (۵۱) صنعتی پارکونه شتون لری، چی له دي جملې څخه (۱۴) پارکونه فعال ساتل شوی دی، او هڅی روانی دی چی په فعاله او غیر فعاله پارکونو کې داخلي او بهرني پانګوال راجلب کړو.

د پانګونی په برخه ښاغلی جمال وویل چی وزارت توانیدلی ده  چې کورنیو او بهرنیو پانګوالو ته یو ډاډمن او با ثباته فضا  رامنځته کړی. بهرنی پانګوالوته  آسانتیاوی رامنځته شوی دی، او د لومړي ځل لپاره د کابل په نړیوال هوایی ډګر کې یو خدماتی ډسک جوړ شوی چې د دی خدماتي ډسک له لیارې د ویزې او نورو اړین خدمات وړاندی کیږی، چې په تیر یو کال کی تقریبا ۱۰۰ بهرنی پانګوالو له همدی ډسک څخه ویزی تر لاسه کړی دی.

د جوازونو په اړه باید وویل شي چې په دی وروستی یو کال کې ۵۱۰۰ جوازونه وېشل شوی، ۷۲۲۸ جوازونه تمدید او ۳۳۳ جوازون لغو شوی دی.  او همداراز  د ۷۰۰۰ ټوکو په اندازه سوداګریز یا تجارتی  پاسپورتونه ويشل شوی دی.

د بودیجي دمصرف په برخه کې ۳۴۱ میلیونه ، ۶۰۳ زره او ۱۹۱ افغاني عادي بودجه، او ۱۵ میلیونه او  ۵۰۰ زره افغاني پراختیایې بودجه دی وزارت ته ځانګړی شوی وو چې د یاد ارقامو له مجموعي  څخه ۸۳،۳ سلنه يې مصرف شوی دي.

د یادونې وړ ده چې د صنعت او سوداګرۍ وزارت د فعالیتونو او لاسته راوړنو ګزارش د ( سوداګرۍ، صنعت، پانګونه، د کاربار چاپیریال رامنځته کول، او مالي ) برخو کې وړاندي شو او په پای کې مسئولینو د خبریالانو او ګډونوالو پوښتنو ته ځوابونه وویل.

تازه خبرونه

چهارشنبه ۱۴۰۳/۴/۲۷ - ۸:۵۳
Background image

د لومړی ځل لپاره دکونړ ولایت څخه د سبزیجاتو او میوه جاتو لېږدول

د لمړي ځل لپاره د کنړ ولایت څخه بهرنیو هیوادونو ته د دسبزیجاتو او میوه جاتو لېږدول پیل شول  د دې پروګرام پرانیست غونډه کی دکونړ ولایت دصنعت او سوداګرۍ ریس مولوی محمد طیب (یوسف ) په خپلو. . .

یکشنبه ۱۴۰۳/۳/۲۰ - ۱۴:۱۸
Background image

په هرات ولایت کې د عالیست افغانیست نندارتون پرانستل شو

دعالیست افغانیست تر نامه لاندې نندارتون د ۱۴۰۳ کال د جوزا (غبرګولي) له ۱۹ تر ۲۱ نیټې پورې  ددرې ورځو لپاره  د هرات ولایت په آسمان تالار کې د هیواد تولیداتو ته د بازار موندنې په موخه . . .

پنجشنبه ۱۴۰۳/۳/۱۷ - ۱۲:۵۷
Background image

د خصوصي سکتور د ملاتړ صندوق پرانیستل شو

یاده غونډه د افغانستان اسلامي امارت ریاست الوزراء  د اقتصادي مرستیال ښاغلي ملا عبدالغني برادر، صنعت او سوداګرۍ وزارت سرپرست الحاج نورالدین عزیزي، د بېلابېلو وزارتونو استازو او د خصوصي. . .

BACK TO NEWS