د خصوصي سکتور د ملاتړ صندوق پرانیستل شو

پنجشنبه۲۸ ذوالقعدةالحرام ۱۴۴۵ / ۱۷ غبرگولی ۱۴۰۳

یاده غونډه د افغانستان اسلامي امارت ریاست الوزراء  د اقتصادي مرستیال ښاغلي ملا عبدالغني برادر، صنعت او سوداګرۍ وزارت سرپرست الحاج نورالدین عزیزي، د بېلابېلو وزارتونو استازو او د خصوصي سکتور د غړو په شتون کې ترسره شوه.

د دوامداره اقتصادي ود ه پرمختګ لپاره د خصوصي سکتور د ملاتړ صندق، د بې کارۍ د کمول، د کار د نویو فرصتونو د رامنځته کول، د سوداګرۍ د توازن د ساتل، د خصوصي سکتور د فعالیتونو پر وړاندې د خنډونو او ګواښونو د کمول،د سوداګرۍ او ترانزیت په برخه کې د اسانتیاوو برابرو، د خصوصي سکتور اړوند پروژو او پروګرامونو د پلي کولو لپاره د باوري مالي سرچینې درلودل، د ملي بنادرو د کمیټې د پروګرامونو تمویل، په بندرونو کې د اړتیا وړ اسانتیاوو رامنځته کول، د لابراتوارونو جوړول او د وارداتي او صادراتي توکو د کیفیت د ازموینې لپاره د تجهیزاتو اخیستل او  دتشبثاتو د کاري شرایطو ښه کول د دې صندق د رامنځته کولو له عمده اهدافو څخه دي.

د صنعت او سودااګرۍ سرپرست وویل؛ هغه پروژې چې  د صندق  د رهبري کمیټې او د خصوصي سکتور په مشوره لومړیتوب ولری په یقینې توګه د به تجارت د پراختیا، د مصرف کوونکو لپاره به بیې راکمې کړي او واردات او صادرات به ګړندي کړي.

د خصوصي سکتور د ملاتړ صندوق د رهبرۍ  او تخنیکي کمیټې لرونکې ده . د دغو کمېټو په غړو کې د ریاست الوزراء د اقتصادي مرستیال، د چارو عمومي رئیس ، د صنعت او سوداګرۍ، مالیې، کرنې، اوبولګولو او مالدارۍ، اقتصاد، انرژۍ او اوبو، مخابراتو او معلوماتي ټکنالوجۍ، کانونو او پټرولیم وزارتونو استازي  او د سکتوری اطاقونو استازی شامل دي.

د کمیټې عمده دندې د وړاندیز شویو پروژو تصویب یا رد کول، د بودیجې لپاره د مرستې اندازه ټاکل، د پروژو لومړیتوب طبقه بندې کول، د تخنیکي  کمیټي دفعالیتونو څارنه، د پروژو د تطبیق څارنه، ریاست لوزراء مقام او اقتصادی معاونیت ته د  پروژو د لګښتونو راپور وړاندې کول دي.

دغه صندوق په ملي او نړیواله کچه د حقیقي او حقوقي اشخاصو د مرستو، اعانو پر وارداتو او صادراتو د ډیرکم فیس لارې تمویلیږي.