د صنعت او سوداگرۍ وزارت معین د نیلو په نامه د وینځونکو توکو د تولیدونکي شرکت له مسؤولينو سره وکتل
سه شنبه ۲۳ صفرالمظفر ۱۴۴۶ / ۶ وږی ۱۴۰۳
د صنعت او سوداګرۍ وزارت معین ښاغلي مولوي احمدالله زاهد نن دوشنبه د وږي میاشتي په ۶مه نېټه، تر غرمې وروسته په خپل کاري دفتر کې د "نیلو" په نامه د وینځونکو توکو د تولیدي شرکت له مسئولینو سره وکتل.
پدې لیدنه کې د یاد شرکت مسئولینو د خپلو تولیداتو په اړه معلومات ورکړل او د وینځونکو توکو په برخه کې یې خپلي ستونزي د صنعت او سوداګرۍ وزارت له معین سره شریکي کړې.
ښاغلي مولوي احمدالله زاهد دوۍ ته ډاډ ور کړ او ژمنه یې و کړه چې په وخت به يې ستونزو ته رسیده ګي کوي.
دوی همدا راز وویل چې د وینځونکو مایعاتو د لومړنیو موادو د تولید په برخه کې نورې پانګونې ته هم تیار دي.
د سوداګرۍ وزارت معین د دوی د خبرو په اورېدو سره د دوی د زیار او فعالیت ستاینه و کړه او زیاته یې کړه چې د صنعتي پارکونو قانون د امیرالمومنین حفظه الله له خوا توشیح شوی او په نږدې راتلونکې کې به په صنعتي پارکونو کې د ځمکو وېش پیل شي.
همدا رنګه ښاغلي زاهد له هغوی وغوښتل تر څو د وینځونکو محصولاتو د تعرفې زیاتولو او صنعتي مالګې د واردولو په برخه کې خپلې غوښتنې په لیکلې بڼه له وزارت سره شریکې کړي چې اړونده ادارو ته ورسول شي.
د یادونې وړ ده چې د نیلو تولیدي شرکت د جامو وینځلو د پوډر، سپینونکې مایع، ظرف وینځلو مایع، د لاس وینځلو مایع، شامپواو داسې نورو توکو د تولید په برخه کې فعالیت لري چې حجم یې ډېر او وزن یې کم دی.
