د ولایتي واحدونو له استازو سره د همغږۍ سیمینار پرانستل شو
یکشنبه نیته: ۹ رجب المرجب ۱۴۴۵ / ۱ سلواغه ۱۴۰۲
د صنعت او سوداګرۍ وزارت سرپرست ښاغلي نورالدین عزیزي او د ددې وزارت مرستیال ښاغلي مولوي قدرت الله جمال؛ د ولایاتو د استازو، د مرکز رئیسانو او کارمندانو په شتون کې یاد سیمینار پرانیست.
په پیل کې د صنعت او سوداګرۍ وزارت سرپرست ښاغلي نورالدین عزیزي د دغه وزارت د ولایتي واحدونو استازو ته ښه راغلاست ووایه او ویې ویل: موږ د دغه وزارت د ولایتياستازو په ګډون د یوې سترې ناستې غوښتونکې وو،چې له نېکه مرغه نن د دغه تالار په پرانېستلو سره ددې ناستې زمینه مساعده شوه ترڅو موږ د ستاسو او تاسی زموږ د تجربو څخه مستفید شي.
ښاغلي عزیزي څرګنده کړه: موږ په خپلو پلانونو کې یوازې نه یو، بلکې امیرالمومنین حفظه الله او اقتصادي کمیسیون له موږ سره دی او موږ هم د اسلامي امارت د مشرتابه د لارښوونو سره سم د ټولو اقتصادي پروګرامونو ملاتړ کوو، سوداګرو ،صنعت کارانو او پانګوالو ته دلازمو اسانتیاوو او پانګونې زمینه برابروو.
ورپسې د دغه وزارت مرستیال ښاغلي مولوی قدرت الله جمال د غونډو ګډونوالو ته د ښه راغلاست ترڅنګ وویل، نن تاسی د ولس استازی یاست، او په یاد ولرئ چې افغانستان ولسونو د خپل ځان او سوداګرو د خپل مال قربانۍ ورکړۍ ده چې پر وړاندې يې موږ ستر مسئولیت په غاړه لرو .
هغه ټینګار وکړ چې اوس اسلامي نظام دی، کابینه او وزیران لري او د صنعت او سوداګرۍ برخه کې موږ په مرکز کې او تاسې په ولایتونو کې مسولیت لري ، د خصوصي سکتور لپاره لازمې اسانتیاوې برابرې او ولس سره د ښو اخلاقو او مهربانۍ چلند وکړئ.
د يادونې وړ ده، چې د ولايتي واحدونو له استازو سره د همغږۍ سيمينار به درې ورخې دوام ولرې ، چې موخه يې؛ د چارو ښه ترسره کول د حکومتدارۍ پیاوړتیا او د ولایتي واحدونو د کارمندانو وړتیا لوړول دي.
