د کابل بوټ جوړونکو سره لیدنه
پنجشنبه: د کب ۲۶مه ۱۴۰۰
د صنعت او سوداګرۍ وزارت مرستیال ښاغلي مولوي قدرت الله جمال د کابل د بوټ جوړونکو د اتحادیې له غړو سره ددې وزارت د غونډو په تالار کې وکتل.
د کابل د بوټ جوړنوکو اتحاديې غړو د دې غونډې د ترسره کولو له امله مننه وکړه، په بېلابېلو هېوادونو کې يې د بوټ جوړولو په هکله خپلې تجربو څخه یادونه وکړه ، ددې صنعت پر وړاندې شته ستونزې او ننګونې يې شریکې ،د فعالیتونو او تولیداتو د ښه والي لپاره یې لازم وړاندیزونه وکړل .
ورپسې وزارت مرستیال ښاغلي مولوی قدرت الله جمال په هېواد کې د بوټانو تولیدات زیان نه بلکې د هېواد د ژغورلو لپاره اړین ګام وباله او له دوی یې وغوښتل چې د خپلو تولیداتو کیفیت ته ځانګړې پاملرنه وکړي،ځکه معیاري صنعت د افغانستان ویاړ دی.
ښاغلی جمال زیاته کړه، چې ستاسې ستونزې او وړندایزونه به له اړوندو ادارو او اقتصادي کمېسیون سره شریکې کړي
د شمېرو له مخې په هېواد کې د بوټانو ټولټال ۶۳۷ کوچنۍ او متوسطې فابریکې شتون لري، چې له دې جملې څخه ۴ فابریکې د پوځي بوټانو په تولید بوختې دي.
د یادو فابریکو د تولید وړتیا په کال کې شاوخوا ۱۳ میلیونه بوټان دي، په داسې حال کې چې هیواد په کال کې شاوخوا ۶۰ میلیونه بوټان تولید ته اړتیا لری.