نندارتونونه د هیواد د عوایدو لویه سرچینه
![نندارتونونه د هیواد د عوایدو لویه سرچینه](/sites/default/files/2022-06/whatsapp_image_2022-06-04_at_5.02.55_pm_2.jpeg)
شنبه :د جوزوا/سلواغې۱۴مه ۱۴۰۱
د صنعت او سوداګرۍ وزارت مرستیال ښاغلي مولوي قدرت الله جمال د دې وزارت نندارتونو د رئیس کاري پلانونه راپور واورید.
د دغه وزارت د نندارتونو رئیس ښاغلي احسان الله پذیر د دغه ریاست د ملکیتونو او دهغو څخه د عوایدو د راټولو د څرنګوالي په اړه په تفصیل سره خبرې وکړې او ويې ويل، چې تېر کال دغه رياست څه باندې درې ميليونه افغانۍ عوايد ترلاسه کړي، چې د دې رياست د ۱۶ ګونو تالارونو په ترلاسه کولو سره به دا عواید د ۵ میلونه افغانیو څخه لوړشی .
نوموړي د دغه رياست د پلانونو، موخو، فعاليتونو، ستونزواو ننګونو په اړه هر اړخيز معلومات وړاندې او خپل وړاندیزونه يې د وزارت مشرتابه سره شریک، د کورنيو او بهرنيو نندارتونونو په جوړولو او د دايمي نندارتونونو د مرکزونو په جوړولو کې يې د وزارت له مشرتابه د ملاتړ غوښتنه وکړه.
نوموړدغه راز وويل، چې په پام کې لري چې د بهار نو، فرهنګي او اقتصادي نندارتونونو په کابل، د لویدیځ زون سوداګریز نندراتون په هرات ، د ځان بسیایيې پرلور دخپلواکۍ جشن نندارتون په کابل ، د شمال د بلخ زون سوداګريز نندارتون، د کندهار او ننګرهار د کورنيو توليداتو او د محصولاتو نندارتونه په نږدې راتلونکې کې ترسره شي.
دصنعت او سوداګرۍ وزارت مرستیال د یادو پلانونو د عملي کېدو په اړه وویل، چې همکاري، ګډې هڅې، ټیمې کار یو له هغو ځانګړو مسایلو څخه دي، چې د ا.ا.ا ورته ځانګړې پاملرنه کوي.
نندارتونونه د هیواد د عوایدو لویه سرچینه ده، خو د عوایدو لوړولو ترڅنګ، د شفافیت موضوع او په هیواد کې پانګونې ته د سوداګرو او پانګوالو هڅول د دغه وزارت له مهمو لومړیتوبونو څخه دي.