پاکستان کې بند پاتې ۳ زره کانتینره خوشی شول
سه شنبه مورخ ۱۴ جمادل الاول ۱۴۴۵ / ۷ لیندی ۱۴۰۲
د کراچۍ له بندر څخه د افغان سوداګرو د ترانزیتي توکو د ۳ زره کانتینرونو د لېږد بهیر پیل شو.
د افغانستان، پاکستان او ازبکستان تر منځ په درې اړخیزو خبرو اترو کې د ګډون په موخه د صنعت او سوداګرۍ وزارت سرپرست ښاغلي نورالدین عزیزي او ورسره پلاوي په وروستي سفر کې یوه دبحث وړ موضوعاتو څخه د څه باندې درې زره کانټینرونو خوشې کول وو. په کراچۍ بندر کې د افغان سوداګرو د مالونو لېږد چې د پاکستان د نوې ترانزیتي تګلارې په پایله کې توقف شوی وی.
د افغانستان د اسلامي امارت د صنعت او سوداګرۍ د سرپرست وزیر د پاکستان د د بهرنیو چارو او د سوداګرۍ د وزیرانو سره د مدوامداره خبرو اترو په پایله کې د ترانزیت په برخه کې د ۳ زره کانتینرونو مالونو د انتقال تفاهم ته ورسید.
د افغان سوداګرو سوداګریز توکې چې د نوي ترانزیتي تګلارې له امله د ۲۰۲۳ کال د اکټوبر له ۳ څخه تر نوامبر ۱۶ پورې درول شوي وو، د ترانزیت اجازه ورکړل شوه.
په پای کې د افغان سوداګرو د ترانزیتي کانتینرونو د لېږد بهیر د اسنادو له بهیر د بشپړولو وروسته د پاکستان له لوري د نوې ټرانزیټي تګلارې د جوړولو سره سم نن سه شنبه د ۱۴۰۲ لمریز کال د قوس ۷می او د۱۴۴۵ کال د جمادي الاول د میاشتې ۱۴مه نېټه پیل شول.
