هیئت بلندپایه امارت اسلامی افغانستان جهت اشتراک در کنفرانس بین‌المللی تاشکند عازم اوزبیکستان شد
دوشنبه 13 ذوالجحةالحرام1446 / 19 جوزا 1404
هیئت بلندپایه امارت اسلامی افغانستان به شمول محترم الحاج نورالدین عزیزی، مقام رهبری وزارت صنعت و تجارت و محترم مولوی احمدجان بلال، رئیس عمومی شرکت‌های امارتی، به دعوت رسمی جمهوری اوزبیکستان عازم آن کشور شد.
هدف از سفر هیئت امارت اسلامی افغانستان به جمهوری اوزبیکستان، اشتراک در چهارمین کنفرانس بین‌المللی سرمایه‌گذاری تاشکند و پیگیری فیصله‌ها و تعهدات صورت گرفته در جلسات قبلی میان دوکشور می‌باشد.
این کنفرانس از بزرگترین کنفراس‌های منطقوی می‌باشد که سالانه در تعدادی از کشورها برگزار می‌گردد. در کنفرانس بین‌المللی تاشکند مقامات کشورها در حدود ۱۰۰کشور به سطح روئسای جمهور، صدراعظم‌ها و وزیران اشتراک می‌نمایند.
قرار است، در حاشیه این کنفرانس، ضمن برگزاری نمایشگاه تولیدات و محصولات داخلی جمهوری اوزبیکستان، هیئت بلندپایه امارت اسلامی افغانستان به منظور توسعه و گسترش روابط اقتصادی و تجاری با مقامات کشور اوزبیکستان و سایر کشورها دیدار نماید.
