دهرات ولایت دصنعتي ښارګوټي دڅلورم فاز پرانیسته
پنجشنبه: دلیندۍ ۲۷مه ۱۳۹۹
دهرات ولایت دصنعتي ښارګوټي څلورم فاز دکورنیو تولیداتو دزیاتوالي په موخه دشانداره مراسمو په ترڅ کې پرانیستل شو.
د پرانیستې په یادو مراسمو کې دصنعت او سوداګرۍ وزیر ښاغلي نثار احمد غوریاني، دافغانستان دسوداګرۍ او پانګونې دخونې درهبرۍ پلاوي غړواو ددغه ولایت دصنعت خونې رهبرۍ ، ګډون کړی وو.
په دغه غونډه کې ښاغلي غوریاني وویل چې دهرات ولایت دصنعتي ښارګوټي په څلورم فاز کې دکورني صنعت دودې په موخه دوه سوه نمرې ځمکه پانګوالو ته ورکول کیږي او ټینګار یې وکړ چې په هېواد کې دصنعت او سوداګرۍ وده یې په کاري لومړیتونو کې ده.
دښاغلي غوریاني په وینا، دصنعت او سوداګرۍ وزارت نوې برنامې به دافغانستان په صنعتي پارکونو کې دتولیداتو دډیر والي لامل شي او وایي چې دیاد ښارګوټي دڅلورم فاز پرانیسته په اوسنیو حالاتو کې دهېواد داقتصادي پرمختګ لپاره یو مهم ګام دی.
دیادونې وړ ده چې ددغو مراسمو په ترڅ کې دافغانستان دسوداګرۍ او پانګونې او صنایعو خونې درهبرۍ پلاوي غړو، دافغانستان داسلامي جمهوریت ددولت له ځانګړې پاملرنې څخه مننه وکړه ، همداراز دصنعت او سوداګرۍ وزارت وزیر له خلکو څخه وغوښتل چې افغانستان ته د وارداتو دکموالي په موخه دې له کورنیو محصولاتو ګټه واخلي.
