شنبه دلړم ۳مه ۱۳۹۹

د صنعت او سوداګرۍ سرپرست او نوماند وزیر ښاغلي نثاراحمد غوریاني،د ښارجوړنې او اراضۍ سرپرست او نوماند وزیرښاغلي محمود کرزي،د افغانستان دخونو د فدراسیون عمومي رئیس ښاغلي محمد اسماعیل عضنفر او د جمهوری ریاست د چارو د ادارې د پانګونې او اسانتیاوو د واحد عمومي رئیس ښاغلي عطالله نصیب ترمنځ دهمکارۍ څلوراړخیزه هوکړه لیک په هیواد کې د دولتي املاکو او ځمکې اړوند د ۵۰ پروژو او ۹۵۰ د پانګونې نورو تیارو پروژو په هکله د پانګونې او اسانتیاوو لپاره د دولتي ادارواو خصوصي سکتور د استازو په ګډون د افغانستان د خونو د فدراسیون د غونډو په تالار کې لاسلیک شو.

ښاغلي نثاراحمد غوریانې ددې هوکړه لیک څخه هرکلی وکړ او زیاته یې کړه: اوس خصوصي سکتور او دولتي ادارود پانګونې د جذب او اسانتیاوو په موخه کور دننه او بهرمختلفو پروژو کې چې د حکومت لخوا یې زمینه مساعده شوي ده یوځای کار پیل کړی دی،د دې هوکړه لیک پر بنست د ښارجوړولو او اراضۍ وزارت د صنعت او سوداګرۍ وزارت سره په همغږۍ دضرورت وړ ټول معلومات په ځانګړي ډول د پانګونې د ۵۰ پروژو، جزیات او معلومات دخصوصي سکتور په واک کې ورکړي.

د یاد هوکړه لیک پربنسټ د افغانستان اد اتاقونو فدراسیون او پانګونې د اسانتیاوو واحد به ددې پروژو په هکله د سیمینارونو،کنفرانسونو،غونډو، او د رسنیو له لارې د پانګونې،هڅونې او جذب په هکله دعامه پوهاوي زمینه مساعده کړي.

همدا راز ددې هوکړه لیک له مخې به دصنعت او سوداګرۍ وزارت د ښارجوړونې او اراضۍ وزارت په همغږۍ او نورو دولتي ادارو سره په همکارۍ د دولتي املاکو او راضۍ څخه په ښه توګه ګټه اخستلو،دهیواد په ۷ ولایاتوکې ۵۰ دپانګونې پروژو او ۹۵۰ نورو تیارو شوو پروژو چې د هغو عملي کارلپاره به ۳،۴ میلیارده امریکايې ډالره پانګونه وشي او نږدي ۱۰ زره هیوادوالو ته به کاري فرصت برابرول شامل دي.

دیادونې وړ ده چې پورته څلورو ادارو د استازو ګډه کمیټه جوړه او ددي هوکړه لیک د پلي کولو مسئولیت يې په غاړه واخیست.