د ایران او افغانستان تر مینځ د اقتصادي او سوداګریزو اړیکو د پراختیا په تړاو ناسته

شنبه ۱۰ رجب المرجب ۱۴۴۶ / ۲۲ مرغومی ۱۴۰۳

د افغانستان اسلامي امارت د صنعت او سوداګرۍ وزارت سرپرست محترم الحاج نورالدین عزیزي، په کابل کې د ایران له سفیر ښاغلي علي رضا بیگدلي سره لیدنه وکړه.

پدې لیدنه کې د دواړو هېوادو تر مینځ د سوداګریزې راکړې ورکړې او اقتصادي او سوداګریزو اړیکو د پراختیا، د لارې نقشې د لاسلیک، په افغانستان کې د پانګونې لپاره د اعتماد جوړونې پر اړتیا، د ترانزیتي تعرفو پر کمښت، له ریل پټلۍ سره د چاه بهار بندر پر نښلولو ، ګمرکي تعرفو او بانکدارۍ بحث وشو.

همدارنګه پدې ناسته کې دواړو لوریو د خپلو پروګرامونو په اړه خبرې وکړې او د دواړو هېوادو تر مینځ د سوداګرۍ د زیاتوالي او لا زیاتو لیدنو کتنو په اړه یې ټینګار وکړ.