د بي بي خدیجه الکبري ملي او نړۍوال نندارتون پرانیستل شو
سه شنبه ۳۰ ربیع الثانی ۱۴۴۵ / ۲۳ لړم ۱۴۰۲
د بي بي خدیجې الکبري ملي او نړۍوال نندارتون د افغان میرمنو د سوداګرۍ او پانګونې خونې د رئیسې او متشبثو میرمنوپه ګډون د افغانستان د نړۍوال نندارتون په مرکز کې پرانیستل شو.
دغه نندارتون چې د صنعت او سوداګرۍ وزارت په همکارۍ د اوو ورځو لپاره پیل شوی، د هېواد د ښځو د لاسي صنایعو او تولیداتو څه باندې ۸۰۰ غرفې په کې نندارې ته ایښودل شوي دي.
د يادونې وړ ده، چې د دغه نندارتون مديريت په بشپړه توګه د مېرمنو په لاس کې دى.
