د جوزجان والي د سوداګرۍ وزارت له مرستیال وزیر سره وکتل
پنج شنبه مورخ ۱۷ ربیع الثانی ۱۴۴۵ / ۱۱ لړم ۱۴۰۲
د جوزجان ولایت والي ښاغلي قاري ګل حیدر شفق نن ماسپښین مهال د صنعت او سوداګرۍ وزارت له مرستیال ښاغلي مولوي قدرت الله جمال سره د هغه په کاري دفتر کې وکتل. په لیدنه کې ښاغلي شفق د جوزجان ولایت په سوداګریز وضعیت رڼا واچوله او په اړه یې خپل وړاندیزونه وړاندې کړل. د نوموړي په وینا جوزجان ولایت کې په کافي اندازه سوداګریز فرصتونه شته او د سوداګرۍ وزارت د لا زیاتې پاملرنې ته اړتیا لري.
د سوداګرۍ وزارت مرستیال مولوي قدرت الله جمال د ښاغلي شفق له راتګ څخه مننه وکړه او داسې لیدنې یې د ولایاتو او مرکز په منځ کې د همغږي او غوره کاري انسجام لپاره اړینې وبللې. نوموړي زیاته کړه چې پیاوړې سوداګري د هیواد پیاوړتیا تضمینوي او ا.ا دا ټکی په سم ډول درک کوي. په وینا یې سوداګرۍ وزارت د هیواد په ۳۴ ولایتونو کې د صنعتونو د ودې لپاره لنډمهاله او اوږدمهاله طرحې لري چې په پلې کېدو به یې هیوادوالو ته د کار پراخه زمینه برابره شي.
