د صنعت او سوداګري وزارت مرستیال ښاغلي مولوي قدرت الله جمال د بلخ ولایت له والي مولوي قدرت الله حمزه سره ولیدل.

ناسته نن غرمه مهال د وزارت د مرستیال ښاغلي جمال په کاري دفتر کې ترسره شوه چې پکې د بلخ ولایت له سوداګریزو موضوعاتو یادونه وشوه. ښاغلي حمزه د ولایتي ادارې لخوا وزارت سره د بشپړې همکاري ډاډ څرګند کړ او د یاد ولایت د صنعتي پارک اړوند وړاندیزونه او ستونزې يې د حل په موخه له مرستیال وزیر سره شریکې کړې. د سوداګري وزارت مرستیال ښاغلي جمال د والي له راتګ څخه مننه وکړه او یادې شوې ستونزې يې مهمې وبللې. نوموړي زیاته کړه چې د سوداګري وزارت په ولایتونو کې د سوداګریزو فعالیتونو ودې ته ژمن دی.