د شیخ مصري صنعتي پارک څخه لیدنه
یک شنبه مورخ ۱۷ جمادی الثانی ۱۴۴۵ / ۱۰ مرغومی ۱۴۰۲
د صنعت او سوداګرۍ وزارت سرپرست ښاغلي نورالدین عزیزي د ننګرهار ولایت شیخ مصري صنعتي پارک څخه د یاد ولایت د صنعت او سوداګرۍ رئیس او خصوصی سکتورد استازوپه ګډون لیدنه وکړه.
په پیل کې د ننګرهار سوداګرو او صنعت کارانو ننګرهار ولایت ته د صنعت او سوداګرۍ وزیر له سفرڅخه مننه وکړه خپلې ستونزی او ننګونې يې ورسره شریکې کړې.
د ښاغلي عزیزی د صنعت کارانو او سوداګرو ستونزې واوریدې د ستونزو د حل ډاډ ترڅنګ يې د شیخ مصري صنعتي پارک د چهاردیوالۍ د قراردادي شرکت مسولینو ته لازمې سپارښتنې وکړې او زیاته يې کړه،د صنعت وده او د سوداګرۍ پراختیا د اسلامي امارت له لومړیتوبونو څخه دي او په دې برخه کې به له هیڅ ډول مرستې او هلو ځلو دریغ ونکړو.
