د صنعت او سوداګرۍ وزارت له سرپرست سره د صنعت کارانو لیدنه
چهارشنبه ۶ ربیع الثانی ۱۴۴۶ / ۱۸ تله ۱۴۰۳
د صنعت او سوداګرۍ وزارت سرپرست محترم الحاج نورالدین عزیزي، نن غرمه د ۱۴۰۳ لمریز کال د میران(تلې) په ۱۸مه د افغانستان د صنایعو او معادنو خونې له رییس شیرباز کمینزاده او څو تنو صنعت کارانو سره وکتل.
پدې لیدنه کې چې د هېواد د ځینو ولایتونو صنعت کارانو هم پکې ګډون درلود، د صنعت کارانو د فعالیتونو پر لاره پرتې ستونزې د صنعت او سوداګرۍ وزارت له مشرتابه سره شریکې شوې او د دغو ستونزو د حل په لار کې د یاد وزارت له مشرتابه څخه د مرستې او همکارۍ وغوښته وشوه.
وروسته بیا د صنعت او سوداګرۍ وزارت سرپرست محترم الحاج نورالدین عزیزي د دوی د ستونزو او هغه ننګونو په اوریدو چې د دوی د فعالیت په لار کې شته وویل:دغه موضوعات باید په لیکلې بڼه د هغوی د حل لارو سره یوځای وزارت ته راولېږل شي تر څو هغې ته رسیدنه وشي.
