د مالیزیا هیواد د اسلامی سازمان د مشورتي شورا له استازو سره لیدنه
یکشنبه د کب ۲۲مه ۱۴۰۰
د صنعت او سوداګرۍ وزارت سرپرست ښاغلي نورالدین عزیزي د مالیزیا هیواد د اسلامی سازمان د مشورتې شورا له استازو سره په خپل کاري دفتر کې وکتل.
په دې لیدنه کې ښاغلی حاج فدهل بن عثمان خبرې وکړی او افغانستان سره یې د مالیزیا د ولسونو،دولت او خصوصي سکټورله لیوالتیا څخه یادونه وکړه.
ښاغلی فدهل بن عثمان په ډاګه وویل: چې هیواد يې په افغانستان کې پانګونې ته لیواله دی او هربرخه کې چې افغانستان ضرورت ولری پانګونه به وکړی.
ورپسی د صنعت او سوداګرۍ وزیر ښاغلي عزیزی د دواړو هیوادونو د مشترکاتو،د وزارت پلانونو،په هیواد کې د پانګونې پرفرصتونو او د دواړو هیوادونو ترمنځ د همکارۍ د زمینې په مساعدوالې خبرې وکړې.
،زیاته يې کړه: مالیزیا د کانونو، د زیربیناوو په ځانګړې ډول د لویو لارو ،د اوسپنې پټلۍ،بريښنا او غوړیو په تولید کې ښه تجربه لري له همدې امله په دې برخو کې کولاي شو اغیزمنه همکاري ولرو.
