د نویو پیل شویو سوداګریو تر سرلیک لاندې روزنیز پروګرام د متشبثینو لپاره جوړ شو
دوشنبه ۱۲ رجب المرجب ۱۴۴۶ / ۲۴ مرغومی ۱۴۰۳
د "نویو پیل شویو سوداګریو" تر سرلیک لاندې د متشبثینو لپاره یو روزنیز پروګرام د صنعت او سوداګرۍ وزارت د صنعتي پارکونو د عمومي رییس محترم قاري عبدالمجید قیام تر ریاست لاندې جوړ شو.
دغه روزنیز پروګرام د هغه متشبثینو لپاره چې له دغه وزارت څخه یې نوی د فعالیت جواز ترلاسه کړی، د اقتصادی سواد، کار برابرولو او لومړنیو صحي مرستو په څانګو کې د هغوی د ظرفیتونو لوړولو او د دوی د سوداګریزو مهارتونو د ودې په موخه جوړ شوی و.
د افغانستان د اسلامي امارت د صنعت او سوداګرۍ وزارت د آسانتیاوو او سالمې رقابتي فضا په رامینځ ته کولو او د تولید او سوداګرۍ په برخه کې له وړو او مینخنیو تشبثاتو څخه په ملاتړ سره هغوی ته د تخنیکي، فني، او حرفوي سلا مشورو په وړاندې کولو سره په مرکز او ولایتونو کې له متشبثینو ملاتړ کوي.
