د هرات ــــــ تورغونډۍ د لارې د معترضو موټر چلونکو سره لیدنه
چهارشنبه دوری ۱۸ مه ۱۴۰۰
د صنعت او سوداګرۍ وزیر ښاغلي نثاراحمد غوریانی د هرات ـــ تورغونډۍ د معترضو ډیرورانو سره د اسلام کلا ګمرک کې د هغوي د سوځیدلو موټرانو د خساراتو د جبران په هکله يې یاده لاره تړلې ده ولیدل او د هغوې د غوښتنو په هکله يې ورسره خبرې وکړې .
په دې لیدنه کې د هرات ولایت د پانګوڼې او سوداګرۍ خونې رهبرۍ غړو هم ګډون درلود د دولت له لورې د خسارې د ورکړې په څرنګوالي او د هرات ترانزیټې لارې د خلاصون په هکله د اعتراض کوکو لخوا خبرې وشوې.
دصنعت او سوداګرۍ ښاغلي وزیر نثار احمد غوریاني د حکومت لخوا د اسلام کلا د ګمرک د اورلګیدنې له امله زیانمن شوي موټر چلوونکو ته دخسارې د جبران په ورکړې ټینګار وکړ او د لاریون کونکو څخه يې دترافیکې ازدهام د لمنځه وړلو لپاره د هرات - تورغونډۍ لارې د بیا پرانیستو غوښتنه وکړه.
ښاغلي غوریاني زیاته کړه چې دولت رهبري ټولو هغه موټر چلوونکو ته چې دهرات په اسلام کلا ګمرک په اورلګیندنه کې زیانمن شوي دي د هغوې د خسارې جبرانوې، لاریون کونکي دې په دې هکله اندیښنه نلري.
همدا راز د هرات د سوداګرۍ او پانګونې اتاق مشرتابه ، له دولت څخه غوښتنه کوي چې لاریون کونکو ته د خساره په ورکړه ټینګار کوی، اوله هغوې څخه غواړې چې د هرات - تورغونډۍ ترانزیټې او سوداګریزه لاره پرانیزي.
