د هلمند د صنعت او سوداګرۍ له ریاست څخه لیدنه
د صنعت او سوداګرۍ وزارت مرستیال ښاغلي مولوی قدرت الله جمال د پنجشنبې په ورځ د هلمند ولایت د صنعت او سوداګرۍ ریاست څخه لیدنه وکړه.
د صنعت او سوداګرۍ مرستیال د مل پلاوي په ګډون د یاد ریاست له کارکوونکو سره وکتل او ښاغلی حفیظ محمد يې د یاد ولایت د جوازونو د آمر په توګه معرفي کړ.
ورپسې ښاغلي مولوي جمال د هلمند ولایت د صنعت او سوداګرۍ ریاست له څانګو او ارشیف څخه لیدنه وکړه او کارکوونکو ته یې د کاري بهیر د ښه والي او د اسنادو د ساتلو په هکله لازمې لارښوونې وکړې.
