د چین د خلکو جمهوریت له سفیر سره لیدنه
یکشنبه، دتلې ۱۸مه ۱۴۰۰
د صنعت او سوداګرۍ سرپرست وزیر ښاغلي نورالدین عزیزي د چین د خلکو جمهوریت له سفیر وانګ یو سره وکتل،په دې کتنه کې دواړو لورو د سوداګرۍ او اقتصادي اړیکو پر، پراختیا خبرې وکړې.
ښاغلي سفیر د صنعت او سوداګرۍ وزیر ته د نوې دندې مبارکی وویله او د دواړو هیوادونو له ډیروښو تاریخې اړیکو څخه یې یادونه وکړه .
ورپسې ښاغلي عزیزي د سفیر څخه په مننې، چین هیواد ته د افغانستان د صادراتو د، ودې په هکله له نږدې همکاریوستاینه وکړه دجلغوزو او زعفرانو دصادراتو په هکله يې خبرې وکړې.
ښاغلي سفیر د کرونا له وجې ځینو محدودیتونو ته په اشارې افغانستان سره د خپل هیواد د سوداګریزو،اقتصادي او تخنیکې مرستو ډاډ ورکړ.
دواړو لورو د سوداګرۍ، ترانزیټ، پانګونې، تخنیکي مسایلو اوبانکي تبادلو اړوند تفصیلي بحث وکړ، او د هوايې دهلیز پر بیا پرانستلو، د افغانستان-چین د ګډې کمیټې دستونزو په حل او فعالولو يې ټینګار وکړ.
