د کرهنیزو ماشینونوپه تولید کې د پانګوونې زیاتوالی
چهار شنبه دغوايي۲۹ مه ۱۴۰۰
په ننګرهار ولایت کې د جاوید افغان صنعتي فابریکې دکرهڼېزو ماشین الاتو د تولید په برخه کې خپلې پانګونې کې زیاتوالې راوستی دی.
دغه فابریکه چې په ۱۳۸۳ لمریز کال يې په یاد ولایت کې په فعالیت پیل وکړ، اوس یې خپله پانګونه لس میلیونه ډالرو ته لوړه کړې ،او د ننګرهار ولایت له سلو څخه زیاتو اوسیدونکو ته يې د کار زمینه برابره کړې ده .
د جاوید افغان صنعتي فابریکه سربیره پر دې چې خپل تولیدات کوردننه پلورې له ۲۰۱۹ زیږدیز کال راهیسې یې د تاجیکستان هیواد ته يې ۶۰ تریشل صادر کړي دي .
د دې فابریکې خاوند وايي چې دوی خپل د اړتیا وړ ۹۵ سلنه اومه توکي کور دننه ترلاسه کوي چې په نږدې راتلونکي کې به خپل تولیدات ازبکستان هیوادته هم صادر کړي.
د صنعت او سوداګرۍ وزارت مشرتابه تل هڅه کوي چې د هیواد اقتصادي ودې او د ځان بسیاینې لپاره د خصوصي سکتور او صنعت کارانو هراړخیز ملاتړ وکړي.
