غالۍ اوبدنې اتحاديې د کارونو او لاسته راوړنو په اړه ناسته ترسره شوه
سې شنبه ۳جوزا ۱۴۰۱
د صنعت او سوداګري وزارت سرپرست وزیر الحاج نورالدین عزیزي د غالۍ اوبدونکو د اتحاديې له مسؤلینو تولیدؤنکو او صادرؤنکو سره ویډيويي او حضوري لیدنه ترسره کړه.
په دې ناسته کې دوزارت یو شمېر رئيسانو او د غالۍ اوبدنې او خصوصي سکتور مشاورینو هم ګډون درلود. د یادې اتحاديې رئيس ښاغلي نور احمد نوري د خپلو فعالیتونو او لاسته راوړنو راپور ګډونوالو سره شریک کړ. نوموړي د غالۍ اوبدنې صنعت ته په ورپېښو ستونزو شته فرصتونه او په حل لارو تفصیلي خبرې وکړې.
د صنعت او سوداګري وزارت سرپرست د افغاني غالیو لپاره د بازار جوړؤنې یادونه وکړه له اتحاديې يې وغوښتل تر څو په دې اړه خپل پروپوزل ترتیب کړي. همدا راز نوموړي د بریښنا د ستونزې د حل لپاره د سوداګري خونې مشاور ته لارښوونه وکړه.
د غالۍ اوبدنې د اتحاديې وړاندیزونو او ستونزو ته د رسيدګي لپاره د ویبسایټ جوړولو لپاره د مشرتابه له خوا د مالوماتي ټيکنالوجي رئيس ته لارښوونه وشوه.
