قراردادونو د څرنګوالي او شرایطو په اړه لومړۍ ناسته
دوشنبه : د کب ۲۳مه ۱۴۰۰
په هېواد کې د بهرنیو شرکتونو له خوا د پانګونې او قراردادونو د څرنګوالي په اړه د اړوندو وزارتونو ترمنځ لومړۍ تخنیکي غونډه د صنعت او سوداګرۍ وزارت د مرستیال ښاغلی مولوی قدرت الله جمال په مشرۍ ترسره شوه.
په دې غونډه کې چې دصنعت او سوداګرۍ وزارت یو شمېر رئیسانو او د اړوندو ادارو استازوهم ګډون درلود، د صنعت او سوداګرۍ مرستیال د کابینې د ۱۹ ګڼې پریکړه لیک د دریمې مصوبې د دریمې مادې په اړه معلومات وړاندې کړل او ویې ویل چې د پانګونې جذب د هیواد په اقتصادي وده او پر ځان بسیا ينې کې مهم رول لري.
ورپسې د اړوندو اداراتو استازو په هېواد کې د پانګونې په موخه د بهرنیو شرکتونو د قراردادونو د شرایطو په اړه خبرې وکړاو خپل آندونه يې شریک کړل.
په پای کې پریکړه وشوه چې د هیواد ټول قوانین باید د ا.ا.ا د پالیسیو سره سم جوړ شي.
د یادونې وړ ده، چې په دې غونډه کې په نړۍ کې د پانګونې د جلبولو بهیر،د هغو سازمانونو، د خصوصي پانګونې په برخه کې د صنعت او سوداګرۍ وزارت د فعالیتونو او په هېواد کې د پانګونې تاریخې بهیر په اړه د پانګونې د پراختیا ریاست له خوا پریزنټیشن وړاندې شو.
