له اوکراین سره د بین الحکومتي کمیسیون د همغږۍ او تخنیکي دوهمې غونډې ترسره کېدل

یکشنبه : دکب ۱۰ مه ۱۳۹۹

له اوکراین سره د بین الحکومتي ګډ کمیسیون په موخه دوهمه ناسته د صنعت او سوداګرۍ وزیر ښاغلي نثار احمد غوریاني په مشرۍ او ددولتي او خصوصي سکتور داستازو په ګډون ددغه وزارت د عبدالمجید زابلي د کنفرانسونو په تالار کې جوړه شوه.

په دې غونډه کې ، ښاغلي نثار احمد غوریاني وویل چې د دولتي او خصوصي پلاوي سفر، د افغانستان او اوکراین دبین الحکومتي ، پلاوي تر منځ د سوداګرۍ او اقتصادي همکاریو په برخه کې یوسوداګریز سفر دی.

ښاغلي غوریاني زیاته کړه چې د افغانستان اسلامي جمهوري دولت او د صنعت او سوداګرۍ وزارت هڅه کوي چې د اوکراین له جمهوریت سره د سوداګرۍ ، ترانزیت او اقتصادي همکاریو کچه لوړه کړي او یاد هیواد ته د افغانستان صادرات ډیر کړي.

د ښاغلي نثار احمد غوریاني په مشرۍ د ولتي خصوصي پلاوی به په راتلونکو دوه اونیو کې د اوکراین جمهوریت پلازمینې کیف ته سفر وکړي اود دولتي او خصوصي سکتور له چارواکو سره به په دغه هېواد کې د سوداګرۍ او اقتصادي همکاریو په اړه خبرې وکړي.