په ننګرهار ولایت کې داکسجن او نایتروجن دتولیداتو ډیر والی
چهارشنبه : دسلواغې لومړۍ ۱۳۹۹
په ننګر هار ولایت کې داکسیجنو او نایتروجنو فابریکو په خپلو تولیداتو کې ډیر والی راوسلی دی . دغه فابریکې چې دیاد ولایت په مرکز کې فعالیت کوي په یوه ساعت کې لږ ترلږه ۲۱۰ متر مکعب اکسجن او نایترو جن تولیدوي.
یادو فابریکو چې دیو میلیون امریکایي ډالرو په پانګونې سره یې له څلورو کلونو راپدیخوا فعالیت پیل کړی دی ، په مستقیم ډول یې ددغه ولایت ۱۵۰ تنو اوسیدونکو ته دکار زمینه برابره کړې ده.
ټاکل شوې ده چې په نږدې راتلونکې کې په دغه ولایت کې یوه بله فابریکه هم داکسیجنو او نایترو جنو دتولید په برخه کې خپل فعالیت پیل کړي، چې په دې سره به په یاد ولایت کې په یوه ساعت کې ۳۰۰ متر مکعب اکسیجن او نایتروجن تولید کړي.
یادې فابریکې سربیره پر دې چې دننګرهار ولایت دروغتونونو او صنعت کارانو اړتیاوې پوره کوي ، خپل تولیدات ګاونډیو ولایتونو ، لغمان او کنړ ته هم استوي.
