په ننګرهار ولایت کې دشاتو مچیو پرسکتور دپانګونې زیاتوالی

دوشنبه: دوري ۲۳مه ۱۴۰۰

دخصوصي سکتوریو شمېر پانګوالو په ننګر هار ولایت کې د شاتو مچیو پرسکتور له ۵۰ میلیونه افغانیو ډیره پانګونه کړې ده ، دغه پانګونه په ۵۰۰ لویو، کوچنیو او متوسط فارمونو کې شوې چې دیاد ولایت په بیلابیلو برخو کې فعالیت کوي.

په دې برخه کې د پانګونې په زیاتوالي سره د دغه ولایت 2000 اوسیدونکو ته د کار زمینه برابره شوې ده  داسې وړاند وینه کیږي چي په روان لمریز کال کې به د ننګرهار د شاتو مچیو روزونکي له ۴۰۰ ټنو څخه ډیر شات له فارمونو څخه صادر کړي او ډیره برخه به یې بهر ته صادر شي.

له دې سره په څنګ کې داوس لپاره په ننګرهار ولایت کې ۵۰ واړه او لوی شرکتونه دشاتو پر پروسس او بسته بندۍ بوخت دي.

د یادونې وړ ده چې د ننګرهار ولایت شاتو په دوبۍ کې د ګالف فوډ نړیوال نندارتون کې چې په دبۍ کې پرلاره اچول شوی ودسل زره  ډالرو په ارزښت له بهرنيو شرکتونو سره د شاتو پلور څوقرار دادونه لاسلیک کړي وو.

دننګر هار ولایت د مناسبې هوا او موسم په لرلو سره په دریو فصلونو کې کولای شي چې دشاتو محصول ترلاسه کړي او په دغه ولایت کې چې کوم شات ترلاسه کیږي دځانګړې ذایقې لرونکي بلل شوي دي

دصنعت او سوداګرۍ وزارت رهبري تل هڅه کوي چې خصوصي سکتور دهېواد داقتصادي ودې او پرځان بسیاینې په موخه وهڅوي او ملاتړ یې وکړي.