په هالند کې له میشت افغان سفیر سره د صنعت او سوداګرۍ وزیرلیدنه
دوشنبه : دسلواغې ۲۷مه ۱۳۹۹
دصنعت او سوداګرۍ وزیر ښاغلي نثاراحمد غوریانی په هالنډ کې دمیشت افغان سفیر ښاغلي آصف رحیمي سره ولیدل او په آمستردام کې يې دافغانستان د سفارت له لارې د دوه اړخیزو سوداګریزو اړیکو د پراختیا په هکله خبرې وکړې .
ښاغلي غوریاني په هالنډ کې د افغان سفیر څخه غوښتنه وکړه ترڅو افغانې تولیداتو ته په یاد هیواد کې بازار موندنه وکړي او د نوموړې هیواد پانګوال په افغانستان کې په بیلابیلو سکتورونو کې پانګونې ته وهڅوي.
په دې لیدنه کې هالنډ ته دافغاني محصولاتو د لیږد په موخه د کابل ـ آمستردام په هوايي دهلیز هم خبري وشوي.
په هالنډ کې د افغانستان سفیر ښاغلي محمد آصف رحیمي وویل: چې په آمستردام کې به د هیواد تولیداتو ته بازار موندنې لپاره له دې وروسته جدې پاملرنه وکړي او د هوايې دهلیز د رامنځته کیدلو لپاره به د هغه هیواد له مقاماتو سره خبرې وکړی.
