په هرات ولایت کې جوړشوی صنعتي نندارتون یوه ورځ نورهم وغځیده
شنبه : دلیندۍ ۳۰مه ۱۳۹۹
په هرات ولایت کې د تولیدي محصولاتو نندارتون چې د ( د صنعتي نندارتون اوکنفرانس ) په نوم په لاره اچول شوی وو، دخلکو له تاوده هرکلي سره مخ شو.
یاد نندارتون دصنعت او سوداګرۍ وزیر ښاغلي نثار احمد غوریاني، دهرات ولایت دسیمه اییزو چارواکو، دولسي جرګې استازو او دافغانستان دصنعت او سوداګرۍ خونې دفدراسیون دغړو په حضور کې پرانیستل شوی وو چې دخلکو له تاوده هرکلي سره مخ شو او له همدې کبله یوه ورځ نور هم وغځیده.
په دغه نندارتون کې دتولیدي محصولاتو ۱۰۰ غرفې نندارې ته ایښودل شوي، چې ۷۰ سلنه یې دمېرمنو لپاره ځانګړې شوي دي.
یاد نندارتون دصنعت او سوداګرۍ وزارت په ملاتړ، کورنیو محصولاتو ته دبازار موندنې او دصنعت کارانو دهڅونې په موخه جوړ شوی دی.
