په کندهارولایت کې دصنعت پراختیا په موخه دصنعت او سوداګرۍ وزارت هڅې
![په کندهارولایت کې دصنعت پراختیا په موخه دصنعت او سوداګرۍ وزارت هڅې](/sites/default/files/2021-05/dydar_myn_wzart_snt_w_tjart_ba_tjaran_wlayt_qndhar.jpg)
یکشنبه: دغبرګولي ۲یمه ۱۴۰۰
د صنعت او سوداګرۍ وزارت معین ، محمد سلیمان بن شاه د صنعتکارانو ، سوداګرو او پانګوالو لپاره د فرصتونو او ننګونو د معلومولو او خصوصي سکتور ته د ګډو ګټو پر مسلو د بحث لپاره کندهار ته سفر وکړ.
د کندهار ولایت مرستیال والي فیصل شیرزوی د صنعت او سوداګرۍ وزارت معین او ورسره مل پلاوي ته د ښه راغلاست تر څنګ ، وویل چې دغه ولایت دهېواد یو له مهمو اقتصادي او سوداګریزو زونونو څخه دی چې په بیلابیل سکتورونو کې ډیره پانګونه شوې ده.
د صنعت او سوداګرۍ وزارت معین محمد سلیمان بن شاه په کندهار ولایت کې اقتصادي ، سوداګریز او ترانزیټي فعالیتونه وستایل او ویې ویل چې دغه ولایت د هیواد د اقتصادي او صنعتي ودې لپاره د صنعت او سوداګرۍ وزارت لپاره ځانګړی اهمیت لري.
ښاغلي بن شاه زیاته کړه چې د صنعت او سوداګرۍ وزارت د کندهار ولایت د صنعتي کیدو پروسې د ودې او پراختیا او همداراز د دې ولایت د صنعتکارانو ، سوداګرو او پانګوالود ستونزو دحل په موخه ځانګړي پلانونه لري.
همدا رازپه دې ناسته کې د خصوصي سکتور لپاره د فرصتونو او ننګونو په پیژندلو او په بیلابیلو برخو کې د صنعتکارانو ، سوداګرو او پانګوالو ستونزو حلولو باندې هم بحث تر سره او پر ګډې همکارۍ یې ټینګار وکړ.