ښاغلي مولوی قدرت الله جمال د پکتیا ولایت له والي سره لیدنه وګړه
چهارشنبه مورخ ۲۳ربیع الاول ۱۴۴۴/۲۷تله ۱۴۰۱
د صنعت او سوداګرۍ وزارت مرستیال ښاغلي مولوی قدرت الله جمال د پکتیا له والي ښاغلي مولوی انعام الله سره وکتل.
په پیل کي ښاغلي جمال له ښاغلي انعام الله د زلزله ځپلو سره د هر اړخیزي مرستي او رسیده ګي لپاره مننه وکړه، د خصوصي سکتور، مرسته کوونکي سازمانونه، او هغه کسانو چي د دی پيښي له زیانمنو سره مرسته کړی مننه وکړه.
د پکتیا والي د صنعت او سوداګرۍ وزارت څخه په نیکي یاد کړ، او وویل چي د دی ولایت ولسونو به هیڅکله د صنعت او سودا ګرۍ وزارت لخوا شوي مرستې هیر نکړي او دیاد ولایت په مقام کی چی دپکتیا مرستیال والی هم موجود وه له سوداګرو اوصنعت کاران سره ګډه جلسه وشوه.
همدا راز د صنعت او سوداګرۍ وزارت مرستیال د صنعت، صنعت کارانو، او سوداګرو اړوند مسائیلو په اړه د پکتیا له والي سره خبري اتري وکړی، او د ولایت مقام د رهبری څخه یي وغوښتل چي د صنعت کارانو او سوداګرو سره هراړخیزي مرستي وکړي.
د یادوونی وړ ده چي د صنعت او سوداګرۍ وزارت مرستیال د پکتیا او خوست ولایتونو د صنعت کارانو او سوداګرو دستونزو د حل په هدف پکتیا او خوست ولایتونو ته سفر کړي.
