تاجکستان  ته  دافغانستان د دولتي_خصوصي سکتور  پلاوي د سفر د همغږۍ غونډه

سه شنبه: د غويې ۲۱مه ۱۴۰۰

 تاجکستان جمهوری هیواد  ته د افغانستان د اسلامي جمهوری دولت ـــ خصوصي سکتور  پلاوي د سفر دهمغږۍ غونډه د صنعت او سوداګرۍ وزیرښاغلي نثار احمد غوریاني په مشرۍ، دولتي ادارو او خصوصي سکتور د استازو په ګډون ترسره شوه .

 په پام کې ده چې راتلونکې اوونۍ ، د افغانستان د اسلامي جمهوري دولت ــــ  د خصوصي سکتور پلاوی ، د صنعت او سوداګرۍ وزیر ښاغلي نثار احمد غوریاني په مشرۍ د تاجکستان هیواد  دوشنبه ښار ته د دواړو هیوادونو ترمنځ د اقتصادې اړیکو د پراختیا او پیاوړتیا په موخه رسمي سفر ولری.

په دې ناسته کې د خصوصي سکتور او دولتي ادارو تر منځ په لا همغږۍ ، د دواړو هیوادونو تر منځ د اقتصادي ، سوداګریزې ترانزیټي او صنعتي همکاریو د پراخوالې په څرنګوالي ، د افغانستان او تاجکستان د خصوصي سکتور تر منځ په مستقیمو خبرو اترو بحث ترسره شو.

په پام کې ده چې په دې سفر کې  د افغانستان اسلامي جمهوري دولت خصوصي سکتور پلاوی، د تاجیکستان جمهوریت دخصوصي سکتورپلاوي سره د ساختماني سکتور، خوراکې توکو ، خفیفه صنایعو، ، ماشین جوړولو، کمیاوي صنایعو ، صادراتو، وارداتو او نورو اړوندو مسائیلو خبرې اترې وکړي.