ددولتي تصدیود بیا فعالېدواو مډرنیزه کېدوپه موخه دصنعت او سوداګرۍ وزارت هڅې
یکشنبه: دلړم ۲۵مه ۱۳۹۹
دکندهاردنساجي تصدۍ عالي شورا غونډه تر سره شوه. دغه غونډه چې دصنعت او سوداګرۍ وزارت سرپرست وزیر، ښاغلي نثار احمد غوریاني یې مشري کوله، دکندهار دنساجۍ دتصدۍ ریس ښاغلي هدایت الله اجواد او داقتصاد، مالیې وزارتونو استازو پکې ګډون کړی وواو دیادې فابریکې په ستونزو یې خبرې وکړې.
په دغه غونډه کې ښاغلي غوریاني په هېواد کې ددولتي تصدیو پر بیا فعالېدو ټینګاروکړاو زیاته یې کړه چې دکندهار دنخ اوبدلو یاده تصدۍ باید بیا فعاله او په نویو ماشینونو سنباله شي تر څوپه یاده فابریکه کې دخلکو لپاره دکار او ګټې زمینه برابره شي.
ښاغلي غوریاني دخپلو خبرو په ترڅ کې وویل، پکار ده چې دهېواد ټولې دولتي تصدۍ،کومې چې په صنعت او سوداګرۍ وزارت پورې اړه لري له نږدې وکتل شي او وروسته یې دماشینونو دنوي کولو لپاره لازم تصمیمونه ونیول شي.
دکندهار ولایت دنخ اوبدلو او نخي ټوکر دتولید فابریکه په هېواد یوه لویه تصدي ګڼل کېدله، چې اوس دصنعت او سوداګرۍ وزارت هڅه کوي، ترڅو یاده فابریکه بېرته له سره خپل فعالیت پیل کړي
