زموږ هیواد زموږ تولید ترعنوانو لاندي نندارتون څخه د صنعت او سوداګرۍ سرپرست وزیر لیدنه
شنبه دتلي 26مه 1399
دصنعت او سوداګرۍ سرپرست او نوماند وزیرښاغلي نثاراحمد غوریاني د ( زموږ هیواد زموږ تولید) په نامه نندارتون څخه لیدنه وکړه او د هغه صنعت کارانو سره چې په دې نندارتون کې يې خپل محصولات نندارې ته ایښي وه خبري وکړي .
همدا راز د صنعت او سوداګرۍ سرپرست وزیر ددي نندارتون د پای غونډه کې وویل، دا وزارت به د کورنیو توکو پیژندنې او کورنیو تولیداتواومحصولاتو څخه د ګټي اخیستنې لپاره دهیوادوالو د هڅونې په موخه مرکز او ولایاتو کې لا زیات نندارتونونه ترسره کړي .
ښاغلي غوریانې زیاته کړه، د صنعت او سوداګري وزارت به د کورنیو تولیداتو په ځانګړي ډول لاسي صنایعو دهڅونې او ملاتړلپاره په بهرنیو هیوادونو کې نندارتونونه ترسره کړي او د هغه په بازار موندنې به هم کار وکړي .
نوماند وزیر د کورنیو تولیداتو په پیژندګلوي کې د نندارتونو د رول په هکله صنعت کارانو ته وویل دا وزارت به په نږدي راتلونکې کې د نندارتونونو لپاره یو دایمي ځاي لمړي په کابل او وروسته په ولایاتو کې جوړ کړي .
د( زموږ هیواد زموږ تولیداتو) نندارتون د هیواد د مختلفو ولایاتو د کوچنیو،منځینواو لویو صنعت کارانو لخوا په کابل کې د ۱۸۷ غرفو کې د خپلو محصولاتو په ایښودولو سره د دري ورځو لپاره ننداري ته وړاندي شو.
