په افغانستان کې دچین هېواد له پانګوالو سره دصنعت او سوداګرۍ وزیر لیدنه
شنبه: دوري ۲۱مه ۱۴۰۰
د صنعت اوسوداګرۍ وزیرښاغلي نثار احمد غوریاني په افغانستان کې د چینایي پانګوالو دډلې له مشر یو مینګ هوی او د دې ډلې له غړو سره په خپل دفتر کې وکتل او په هیواد کې یې دپانګونې په موخه د ګډو کارونو په اړه ورسره خبرې وکړې.
دپه دې غونډه کې ، یو مینګ هوی چې په افغانستان کې د چینایي پانګوالو د ډلې مشر دی ، له افغان پانګوالو سره په بیلابیلو سکتورونو کې د خپل هیواد د پانګوالو لیوالتیا څرګنده کړه.
ښاغلي هوی وویل چې دې ډلې اوس د پل چرخي صنعتي پارک کې د بیلابیلو بریښنایي کیبلونود تولید لپاره فابریکه جوړه کړې چې د بریښنایی کیبلونو په برخه کې فعالیت کوي.
دیادې ډلې مشردا هم وویل چې دوی د افغانستان په صنعتي پارکونو کې د رنګونو ، وچو میوو او سبزیجاتو د تولید ي فابریکو په برخه کې له افغان پانګوالو سره ګډ کار پیلوي.
ښاغلي هوی دا هم وویل چې په راتلونکي کې به د چینایي پانګوالو یوه ډله د افغانستان په صنعتي پارکونو کې له افغان صنعتکارانو سره په ګډه په بیلابیلو سکتورونو کې شاوخوا ۵۰ تولیدي فابریکې جوړې کړي.
د صنعت او سوداګرۍ وزیر ښاغلي نثار احمد غوریاني په افغانستان کې د چینایي پانګوالو د پانګونې له پیل څخه هرکلی کوي او وایي چې دغه وزارت به چینایي پانګوالو ته په افغانستان کې په ټولو برخو کې د پانګونې لپاره لازمې اسانتیاوې برابرې کړي.
ښاغلي غوریاني په افغانستان کې په چینايي پانګوالو غږ وکړ چې د افغانستان له سوداګرو سره د هیواد د محصولاتو په ځانګړي ډول مرمرډبرو، وچې او تازه میوو ، سبزیجاتو ، زعفرانو او جلغزو لپاره په بازارموندنه کې همکاري وکړي.
دیادې غونډه په پای کې دواړو لورو ژمنه وکړه چې د دواړو هېوادونو تر منځ به دسوداګرۍ پراختیا او په چین هېواد کې دافغاني محصولاتو په بازارمونده کې یو له بل سره همکاري کوي.
