په میدان وردګو ولایت کې د طبي اګسیجن په تولید کې زیاتوالی
شنبه د وري ۲۱ ۱۴۰۰
د صداقت د طبی اکسیجن د تولید فابریکه چې د میدان وردکو په ولایت کې فعالیت ترسره کوې، په خپلو تولیداتو کې د (۵۰۰) زره امریکايي ډالرو په ارزښت زیاتوالی راوستی دی.
.دغې فابریکې په ۱۳۹۱ کال کې د یومیلیون افغانۍ په ارزښت د میدان وردکو په ولایت کې په کار پیل وکړ،چې په شپه او ورځ کې ۴۰۰بالونو اکسیجن د تولید وړتیا لري او د یاد ولایت نږدې ۴۰ تنو ته يې د کار زمینه برابره کړې ده ،
د یادونې وړده چې یاده فابریکه ګاونډیو ولایتونوته لکه کابل، غزني،پکتیکا ، بامیان ،اوپروان ولایتونو ته لیږدوي.
د یادونې وړ ده چې د صداقت فابریکه د کرونا د لومړی څپې په بهیرکې لومړنۍ فابریکه وه، چې داکسیجن چمتوکولو په برخه کې افغان جاپان روغتون سره هوکړه لاسلیک کړه.
