تجارتي آتشو د همغږي د ریاست راپور واورېدل شو
چهارشنبه: دجوزا/غبرګول ۱۸مه ۱۴۰۱
د صنعت او سوداګري وزارت مرستیال وزیر مولوي قدرت الله جمال په خپل دفتر کې د تجارتي آتشو د همغږي ریاست کاري راپور واورېده. په یاده استماعي ناسته کې د یاد وزارت د پالیسي او خدماتو عمومي رئيس ښاغلي عبدالقهار محمودي او د سوداګري د نړیوال سازمان د طرحو د تطبیق رئيس ښاغلي عبدالوکیل مسلم هم شتون درلود.
د آتشو د همغږي ریاست رئيس د یاد ریاست د فعالیتونو, موخو او راتلونکو برنامو په اړه مفصل مالومات وړاندې کړل. همداراز نوموړي د هیواد په صادراتو کې د آتشو په ونډه وغږېده او له نورو ریاستونو سره يې د آتشو د همغږي ریاست ګډ کار مهم وګاڼه.
مرستیال وزیر ښاغلي جمال د یاد ریاست له فعالیتونو خوښي څرګنده کړه او د ملاتړ ډاډ يې ورکړ. هېره دې نه وي چې د آتشو د همغږي ریاست په خپل تشکیل کې ۲۶ آتشې لري چې په بېلابېلو هیوادونو کې فعالیت کوي. همدا راز د اړتیا له مخې یو شمېر هیوادونو کې اجرائيوي مدیران هم شتون لري.
